Notar krem sem multi-taskar eins og vindurinn

Elísabet Ormslev söngkona með meiru, fagurkeri og förðunarfræðingur hjá Mac upplýsir okkur hvaða snyrtivörur hún notar daglega þegar kemur að andlits- og hárumhirðu.

"Ég nota Damage Remedy djúpnæringuna frá Aveda fyrir litað og meðhöndlað hár og einhvern hátt. Ég hef ansi oft litað hárið mitt og skipt um hárlit og þetta hjálpar þurrum og slitnum endum að jafna sig. Ég þvæ hárið með sjampó og næringu eins og vanalega, set síðan þessa næringu og rakt hárið og leyfi því að standa í 30-40 mínútur. Það er sniðugt að kíkja á einn Walking Dead þátt á meðan. Síðan skola ég næringuna úr og hárið mitt verður mýkra en ég hef nokkurn tímann upplifað. Án efa ein besta djúpnæring á markaðnum," segir Elísabet.

"Varanæringin frá Mac Cosmetics er einn af bestu varasölvum sem ég hef prófað yfir ævina og ég hef prófað þá marga. Ég er með ansi stórar varir og þjáðist af varaþurrk og þurrk í kringum varirnar lengi og það hafði áhrif á sjálfstraustið að vera alltaf svona þurr, sérstaklega á veturna. En eftir að hafa prófað þessa næringu urðu varirnar silkimjúkar og hef ekki þurft að hafa áhyggjur síðan."

"Þegar kemur að farða þá þykir mér einna mikilvægast að húðin sé sem fallegust. Sjálf er ég með viðkvæma og þurra húð og hef prófað alls kyns farða og komst að því í sumar að Vitalumiére Aqua fljótandi farðinn frá Chanel gerir mest fyrir húðina mína. Þekjan er ekki mikil en ekki alls lítil heldur. Það kemur falleg perluáferð á húðina og vegna þess að farðinn er vatns beisaður þá gefur hann húðinni mikinn raka og helst vel á yfir daginn. Lyktin af farðanum er líka góð og minnir mig á sumarið."

"Prep+Prime Highlighter frá Mac Cosmetics í litnum Radiant Rose er snyrtivara sem ég nota á hverjum einasta degi. Varan kemur í þremur tónum; bleikum, gulum og ferskjulituðum og þann bleika nota ég alltaf undir augun bæði á sjálfum mér og viðskiptavinum mínum því bleiki liturinn vegur upp á móti blámanum undir augunum og lýsir upp augun og andlitið."

"Elizabeth Arden Eight Hour Cream er töfrakrem. Það virkar á allt og þá á ég við að það virkar virkilega á allt; þurrkubletti á líkama og andliti, frábær varasalvi, það virkar meira að segja á exemið mitt. Ef þú ert að leita að kremi sem multi-taskar eins og vindurinn, þá er þetta krem fyrir þig."