Seiðandi undirföt á tískuvikunni

Franska nærfatafyrirtækið Etam sýndi nýustu línu sína á tískuvikunni í París á dögunum. Rússneska fyrirsætan Natalia Vodianova er andlit fyrirtækisins ásamt því sem hún hjálpar til við hönnun nærfatanna. „Ég vil að undirfatnaður Etam endurspegli bæði tísku og þægindi. Það er mjög mikilvægt að konum líði vel í því sem þær eru næst sér og séu sjálfsöruggar", sagði Vodianova um samstarfið. Ekkert var til sparað við sýninguna sem var afar kynþokkafull og seiðandi, en stórstjörnurnar Lily Allen, Rita Ora og M.I.A sungu á meðan fyrirsæturnar spígsporuðu niður sýningarpallana.