Stjörnubarn fær módelsamning

Stjörnubarnið Ireland Baldwin er komið á módelsamning hjá hinni virtu fyrirsætuskrifstofu IMG Model. Þetta tilkynnti Ireland á Twitter í vikunni.

Ireland er dóttir leikarans Alec Baldwin og leikkonunnar Kim Basinger en Kim var einmitt farsæl fyrirsæta áður en hún sneri sér að leiklistinni.

Alec og Kim skildu árið 2002 og lenti Ireland, nú sautján ára, á milli þeirra í hatrammri forræðisdeilu. Allt er gott sem endar vel og virðist sambandið á milli þeirra þriggja vera mjög gott í dag.

Þú gætir unnið - vertu með okkur á Facebook.