Karlie Kloss pósar fyrir Moda Operandi

Fyrirsætan frækna Karlie Kloss situr fyrir í vor – og sumar auglýsingaherferð hjá hátísku netversluninni Moda Operandi. Kloss er glæsileg á myndunum þar sem hún pósar í fötum frá frægum hönnuðum á borð við Thom Browne, Marc Jacobs, Rochas og Suno.

Íslenska viðskiptakonan Áslaug Magnúsdóttir er stofnandi og stjórnarformaður Moda Operandi, en búðin varð til árið 2010. Moda Operandi hefur það yfir aðrar netverslanir að fólk þarf ekki að bíða lengi eftir að eignast sínar uppáhalds flíkur frá tískuvikunum, fötin fara beint af sýningarpöllunum inn á verslunina. Búðin gengur eins og í sögu og að mati Fashionista.com er Áslaug ein af fimmtíu áhrifamestu einstaklingunum í tískusenunni í New York. Meðal annarra á listanum voru Anna Wintour og Carine Roitfeld.