Corvette Shooting Brake

Breytingin kostar tæpar tvær milljónir króna og slatta af koltrefjum.

Breytingafyrirtækið Callaway hefur birt myndir af lengri gerð hinnar nýju Corvettu, einskonar Shooting Brake-útfærslu bílsins. Með þessari lengingu bílsins vill Callaway bjóða kaupendum þann valkost að eignast jafn góðan bíl en fyrir fleiri farþega.

Hann mun reyndar kosta 15.000 dollurum meira, eða um 1,9 milljónir, sem samsvarar verði smábíls. Callaway vill meina að í leiðinni bjóðist kaupendum bíll með einstakt útlit og er alveg hægt að taka undir það.

Callaway ætlar að mestu að nota koltrefjar við breytingarnar á bílnum og fyrir vikið mun bíllinn svo til ekkert þyngjast. Með því móti mun hann áfram komast á 200 mílna hraða, eins og hefðbundni bíllinn, eða 320 km/klst. Callaway er þegar farið að taka niður pantanir í Corvette Shooting Brake.