Topplaus Subaru BRZ með dísilvél

Verður fjórhjóladrifinn og fær aðstoð frá tveimur forþjöppum og rafmótorum.

Hinn vinsæli tvíburabíll Subaru BRZ/Toyota GT-86 eignast enn fleiri systkyni á næstu árum því frá og með 2015 mun Subaru bjóða hann einnig sem blæjubíl og brennir hann þá dísilolíu. Blæjuútgáfan verður aðeins tveggja sæta.

Dísilvélin verður með tveggja lítra sprengirými en að auki með tveimur forþjöppum. Þá hjálpa rafmótorar einnig til að að koma afli til allra hjólanna, því hann verður fjórhjóladrifinn eins og svo margir bílar Subaru.

Ekki þarf að efast um að þessi uppskrift gerir þennan frábæra akstursbíl bara enn skemmtilegri og vafalaust margir sem bíða spenntir eftir bílnum. Það skrítnasta við þessa útgáfu er að hann mun aðeins fást í svörtum lit og minnir það um margt á T-Ford á sínum tíma, sem Henry Ford sagði a mætti fá í öllum regnbogans litum, bara ef hann væri keyptur svartur!