Nýju Stjörnustríðsmyndirnar verða fimm talsins

Nýju Stjörnustríðsseríunnar er beðið með mikilli eftirvæntingu og er uppsetning hennar óðum að skýrast.

Nú hefur Disney tilkynnt að alls verði um fimm myndir að ræða, sem verði frumsýndar á hverju sumri frá 2015 til 2019.

Verður tveimur hliðarmyndum skotið inn á milli aðalmyndanna þriggja en ekki er enn vitað hvaða persónur verða kannaðar frekar í þeim.

Eins og áður hefur verið greint frá er það Lost-kempan J.J. Abrams sem leikstýrir þeirri fyrstu, og þegar hefur verið staðfest að þau Harrison Ford, Carrie Fisher og Mark Hamill munu endurtaka hlutverk sín úr upprunalegu seríunni.

Líklegt verður þó að teljast að um aukahlutverk sé að ræða, enda eru þau öll komin af léttasta skeiði.