Gunnar í sviðsljósinu hjá Fuel TV

Sjónvarpsstöðin Fuel TV kom hingað til lands á dögunum til að vinna langt innslag um bardagakappann Gunnar Nelson. Það má sjá hér neðst í fréttinni.

Gunnar átti að berjast við Mike Pyle í UFC-deildinni í Las Vegas í næsta mánuði en varð að draga sig úr keppni vegna meiðsla.

Hann hefur þó vakið mikla athygli fyrir framgöngu sína en eftir að hann kom inn í UFC hefur hann unnið báða bardaga sína.

Í innslaginu er rætt við Gunnar sem og foreldra hans, auk þess sem áhorfendur fá góða innsýn í hans heimilislíf. Hann gæðir sér til dæmis á sviði og fer með myndavélarnar inn í æfingahúsnæði Mjölins.