Fékk bónorð á golfvellinum | Myndband

Kvenkylfingurinn Brittany Lang var ekki alveg í sínu besta formi á LPGA-móti í Texas en dagurinn hjá henni á golfvellinum endaði aftur á móti mjög vel.

Er hún gekk af lokaholunni beið unnustinn, Kevin Spann, eftir henni. Hann labbaði til hennar, skellti hann sér á skeljarnar og spurði hvort hann mætti fylgjast með henni spila golf allt sitt líf.

Hún var heldur betur til í það, þáði bónorðið og kyssti svo unnustann innilega. Allt var þetta í beinni á Golf Channel.

"Við erum búin að vera saman í ellefu mánuði. Við hittumst á golfvellinum og sambandið hefur gengið gríðarlega vel. Ég verð að viðurkenna að ég átti von á einhverju svona því hann hefur verið að haga sér skringilega síðustu daga," sagði hin nýtrúlofaða Lang.

Hér má sjá bónorðið.