Guðmundur hollenskur meistari

Guðmundur Eggert Stephensen varð í gær Hollandsmeistari í borðtennis með liði sínu Taverzo.

Taverzo vann sigur í úrslitaleik gegn FVT Visser 4-1. Guðmundur tapaði leik sínum gegn Laurens Tromer í oddaleik 2-3 (5-11, 7-11, 11-7, 11-4, 7-11) en lagði svo Barry Wijers 3-1 (11-5, 8-11, 11-7 og 11-4).

Guðmundur og Yang Sen unnu svo 3-1 sigur í tvíliðaleiknum.

Guðmundur hefur tuttugu sinnum orðið Íslandsmeistari í borðtennis en hann gaf það út á dögunum að hann myndi ekki keppa á næsta Íslandsmóti.

Hann verður í eldlínunni með íslenska landsliðinu á Smáþjóðaleikunum í lok mánaðar.