Andri Þór í banastuði og Ísland í góðum málum

Íslenska karlalandsliðið í golfi situr í öðru sæti að loknum tveimur hringjum af þremur á Challenge Trophy-mótinu sem er undankeppni fyrir Evrópumót karlalandsliða. Okkar menn spiluðu næstbest allra í dag.

Þrjú efstu liðin vinna sér inn þátttökurétt á Evrópumótinu og voru okkar menn þriðju eftir fyrsta dag. Þeir spiluðu enn betur í dag og enginn betur en Andri Þór Björnsson úr GR sem var í banastuði. Hann spilaði á 68 höggum eða fjórum undir pari eftir fimm fugla og einn skolla. Hann er í öðru sæti yfir alla kylfingana sextíu.

Belgía er í fyrsta sæti með nokkuð hraustlegt tíu högga forskot á Íslendinga. Í þriðja sæti er Slóvakía sex höggum á eftir okkar mönnum. Lokahringurinn fer fram á morgun og þá kemur í ljós hvaða þrjú lið tryggja sér þátttökurétt á Evrópumótinu sjálfu.  

 

Skor okkar kylfinga og staða þeirra í einstaklingskeppninni.

2.sæti Andri Þór Björnsson, GR                     75/68 -1

5.sæti Haraldur Franklín Magnús, GR            73/75 +4

14.sæti Axel Bóasson, GK                             79/75 +10

25.sæti Ragnar Már Garðarsson, GKG          76/80 +12

25.sæti Guðmundur Ágúst Kristjánsson, GR 80/76 +12

36.sæti Rúnar Arnórsson, GK                       79/80 +15