KA vann Selfoss í dramatískum sjö marka leik

Fjórir leikir fóru fram í 1. Deild karla í knattspyrnu í dag og stóð ekki á mörkunum. Alls voru skoruð 20 mörk í leikjunum fjórum.

KA menn unnu frábæran sigur á Selfyssingum, 4-3, í sjö marka leik sem bauð uppá mikla dramatík.

Selfyssingar jöfnuðu leikinn í 3-3 fjórum mínútum fyrir lok leiksins en það var  Ivan Dragicevic sem tryggði heimamönnum stigin þrjú á 90. mínútu leiksins.

Fjölnir vann fínan sigur á KF 1-0 á Ólafsfirði en eina mark leiksins gerði Ómar Hákonarson þegar þrjár mínútur voru komnar framyfir venjulegan leiktíma, mikil dramatík fyrir norðan í dag.

BÍ/Bolungarvík vann öruggan sigur á Völsungi 4-1 og lítið getur komið í veg fyrir það að Húsvíkingar falli um deild í haust.

Tindastóll og Leiknir mættust á Sauðárkróksvelli en heimamenn fóru með sigur af hólmi 4-3.