Sunna í þriðja sæti í Þýskalandi

Sunna Víðisdóttir úr Golfklúbbi Reykjavíkur, nýkrýndur Íslandsmeistari kvenna í höggleik, varð í þriðja sæti á RB German Junior mótinu sem fór fram á vegum Heddesheim-golfklúbbsins í Þýskalandi frá 6. til 8. ágúst.

RB German Junior mótið er hluti af World Junior Golf Series og þarna voru að spila margar af efnilegustu kvenkylfingunum.

Sunna lék hringina þrjá á 215 höggum eða einu höggi undir pari. Hún var átta höggum á eftir hinni ungversku Csilla Lajtai Rózsa sem vann mótið. Rózsa lék á einu höggi betur en hin sænska Lynn Carlsson.

Sunna lék best á lokadeginum þegar hún spilaði á 70 höggum eða tveimur höggum undir pari vallarins. Sunna fékk þrjá fugla og aðeins einn skolla í dag.