Þrír sigrar til Dalvíkur á lokamóti unglingamótaraðarinnar

Jón Júlíus Karlsson skrifar 8. september 2013 22:30

Verðlaunahafar í telpnaflokki; Saga Traustadóttir, Birta Dís Jónsdóttir, Ragnhildur Kristinsdóttir og Sigurlaug Rún Jónsdóttir. Mynd/GR

Lokamót sumarsins á Íslandsbankamótaröð unglinga í golfi fór fram á Grafarholtsvelli um helgina. Leikið er í þremur aldursflokkum á mótaröðinni hjá báðum kynjum og var þetta sjöunda mót sumarsins. Flestir af efnilegstu kylfingum landsins voru á meðal keppenda.

Veðurguðirnir voru ekkert sérstaklega hliðhollir okkar ungu og efnilegu kylfingum að þessu sinni og varð að fella niður fyrri umferð á laugardeginum í flokki 14 ára stráka og stelpna og einnig í flokki 15-16 ára telpna. Ágætt verður var hins vegar í dag og mörg fín skor litu dagsins ljós.

Árangur Dalvíkinga í mótinu vekur helst eftirtekt. Þrír sigurvegarar af sex koma úr Golfklúbbnum Hamri á Dalvík sem hefur náð frábærum árangri á mótaröðinni í sumar. Þau Birta Dís Jónsdóttir, Arnór Snær Guðmundsson og Ólöf María Einarsdóttir fögnuðu sigri í sínum flokki. Arnór Snær, sem leikur í strákaflokki, lék á 70 höggum í dag eða einu höggi undir pari Grafarholtsvallar.

Helstu úrslit má sjá hér að neðan. Nánari úrslit má finna á heimasíðu Golfsambands Íslands.

Úrslit í lokamóti sumarsins á Íslandsbankamótaröð unglinga:

Piltaflokkur, 17-18 ára:

1. Egill Ragnar Gunnarsson, GKG 82-70=152 +10

2.-3. Stefán Þór Bogason, GR 84-72=156 +14

2.-3. Kristinn Reyr Sigurðsson, GR 77-79=156 +14

Stúlknaflokkur, 17-18 ára:

1. Særós Eva Óskarsdóttir, GKG 84-84=168 +26 (e. bráðabana)

2. Helga Kristín Einarsdóttir, NK 86-82=168 +26

3. Gunnhildur Kristjánsdóttir, GKG 88-80=168 +26

Drengjaflokkur, 15-16 ára:

1. Óðinn Þór Ríkharðsson, GKG 74-73=147 +5

2. Björn Óskar Guðjónsson, GKJ 76-73=149 +7

3.-4. Fannar Ingi Steingrímsson, GHG 75-75=150 +8

3.-4. Tumi Hrafn Kúld, GA 76-74=150 +8

Telpnaflokkur, 15-16 ára:

1. Birta Dís Jónsdóttir, GHD 76 +5

2. Saga Traustadóttir, GR 80 +9

3.-4. Sigurlaug Rún Jónsdóttir, GK 82 +11

3.-4. Ragnhildur Kristinsdóttir, GR 82 +11

Strákaflokkur, 14 ára og yngri:

1. Arnór Snær Guðmundsson, GHD 70 -1

2. Ingvar Andri Magnússon, GR 73 +2

3. Ingi Rúnar Birgisson, GKG 76 +5

Stelpuflokkur, 14 ára og yngri:

1. Ólöf María Einarsdóttir, GHD 77 +6

2. Gerður Hrönn Ragnarsdóttir, GR 85 +14

3. Hekla Sóley Arnarsdóttir, GK 85 +14