Myndasyrpa frá sigri Fjölnis á Selfossi

Fjölnir vann gríðarlega mikilvægan 3-0 sigur á Selfossi í 21. umferð 1. deildar karla í knattspyrnu í dag.

Grafarvogsliðið situr í efsta sæti deildarinnar fyrir lokaumferðina með eins stigs forskot á Víking, Grindavík og Hauka. Liðið sækir Leikni heim í lokaumferðinni og vinnur deildina og tryggir sér sæti í efstu deild með sigri.

Þórir Guðjónsson skoraði tvö mörk og Ragnar Leósson eitt í Grafarvoginum í dag. Fjölnismenn fögnuðu að vonum vel ásamt stuðningsmönnum sínum.

Pjetur Sigurðsson, ljósmyndari Fréttablaðsins og vísis, var á svæðinu og náði þessum skemmtilegu myndum.