Anna Sólveig í 12. sæti á Duke of York

Anna Sólveig Snorradóttir úr Keili er í 12. sæti á Duke of York golfmótinu sem fram fer á Royal St. George’s golfvellinum í Kent, Englandi. Anna Sólveig hefur leikið hringina tvo í mótinu til þessa á 77 og 76 höggum og er samtals á 153 höggum eða 13 höggum yfir pari eftir tvo hringi.

Ítalinn Guido Migliozzi er efstur í mótinu á þremur höggum yfir pari. Aron Snær Júlíusson úr Golfklúbbi Kópavogs og Garðabæjar tekur einnig þátt í mótinu. Hann er 26. sæti á 158 höggum eða 18 höggum yfir pari.

Duke of York mótið er eitt sterkasta unglingamót sem í boð er fyrir kylfinga 18 ára og yngri. Margir af efnilegustu kylfingum heims taka þátt í mótinu.