Sá sænski fékk 1,2 milljarða króna

Henrik Stenson hélt ró sinni og landaði sigri á lokahring FedEx-bikarsins í golfi á PGA-mótaröðinni í Atlanta í gær.

Svíinn fór á kostum og lék hringina fjóra á þrettán höggum undir pari. Mesta samkeppnin kom frá hinum tvítuga Jordan Spieth en yngri kylfingur hefur ekki komist í úrslitakeppnina.

Stenson fékk tíu milljónir bandaríkjadala, jafnvirði 1,2 milljarðs íslenska króna, í verðlaunafé fyrir að hafna í efsta sæti FedEx stigalistans. Tiger Woods, sem hafnaði í öðru sæti listans, lauk leik á pari samanlagt og náði aldrei að ógna Stenson.