Harmageddon

Harmageddon og Sannleikurinn.com sameinast

Andri Þór Sturluson skrifar
Það verða læti.
Það verða læti.
Harmageddon hefur keypt fréttastofu Sannleikans, Sannleikurinn.com, að undangengnu samþykki Samkeppniseftirlits fyrir kaupunum. Haft er eftir mér, eigenda Sannleikans, að fyrirtækið átti erfitt með að halda fullum dampi í rekstrinum vegna áfengissýki starfsfólks.

Þá er haft eftir Frosta Logasyni að Samkeppniseftirlitið hafi sett ákveðna fyrirvara við kaupin. Harmageddon mun reka fréttastofu Sannleikans en það verður bundið ákveðnum reglum. Mun Sannleikanum verða gert að vera grófari í fréttaflutningi sínum, hætta að fara mjúkum höndum um stjórnmálamenn, Jón Ásgeir og kirkjuna, auk þess að færa sig einnig út í netsjónvarp og útvarp.

Má því gera ráð fyrir að fréttirnar á þessu skeri hætti að vera heilalaust barnaefni þar sem menn komast upp með að bulla í fréttamönnum, þar sem fréttatilkynningar frá stórfyrirtækjum og stofnunum eru birtar gagnrýnislaust og þar sem menn þora ekki að sauma að viðmælendum sínum af því þeir eru saman í saumaklúbb.

Því mega ráðandi öflin í samfélaginu fara að vara sig því að Stundin Okkar í íslenskum fréttaflutningi er rétt að byrja.

Harmageddon


Mest lesið




×

Mest lesið


Tarot dagsins

Dragðu spil og sjáðu hvaða spádóm það geymir.