Nítján ára konungur gerir það gott

Archy Marshall er breskur tónlistarmaður fæddur árið 1994. Árið 2011 byrjaði hann að koma fram og spila undir nafninu King Krule og hefur hann síðastliðin tvö ár vakið mikla athygli fyrir sérkennilegan stíl og framkomu.

Fyrr á þessu ári, nánar tiltekið á nítján ára afmæli kappans, sendi hann frá sér sína fyrstu breiðskífu, plötuna 6 Feet Beneath The Moon.

King Krule talar og syngur með sterkum hreim frá Suður-London. Hann lítur út fyrir að vera límsniffandi götustrákur en er í rauninni langskólagenginn tónlistarsnillingur.

Tékkið á laginu hans Easy Easy sem er í mikilli spilun á X-inu 977 núna.