Afturelding fór illa með vítin í tapi á móti ÍBV

Eyjakonur sóttu tvö stig í Mosfellsbæinn í dag í lokaleik 5. umferðar Olís-deildar kvenna í handbolta en ÍBV vann þá þriggja marka sigur á botnliði Aftureldingar, 27-24.

Afturelding hefur tapað öllum fimm leikjum sínum á tímabilinu en þar af naumlega í síðustu tveimur leikjum. ÍBV komst upp að hlið Fram í 4. og 5. sæti með þessum sigri.

Drífa Þorvaldsdóttir skoraði átta mörk fyrir Eyjaliðið í dag og Guðbjörg Guðmannsdóttir bætti við fimm mörkum.  Hekla Daðadóttir var markahæst hjá Aftureldingu með níu mörk.

Slæm vítanýting reyndist Aftureldingu dýrkeypt í leiknum því liðið klikkaði á 6 af 8 vítum sínum í þessum leik.



Afturelding - ÍBV 24-27 (10-14)

Mörk Aftureldingar: Hekla Daðadóttir 9, Sara Kristjánsdóttir 5, Telma Frímannsdóttir 3, Vigdís Brandsdóttir 3, Monika Bodai 2, Nóra Csákovics 1, Dagný Huld Birgisdóttir 1.

Mörk ÍBV: Drífa Þorvaldsdóttir 8, Guðbjörg Guðmannsdóttir 5, Ester Óskarsdóttir 4, Vera Lopes 4, Kristrún Hlynsdóttir 2, Arna Þyrí Ólafsdóttir 1, Díana Dögg Magnúsdóttir 1, Sandra Gísladóttir 1, Telma Amado 1.