Gáfu vini sínum yndislega stund og komu sjálfum sér á óvart

Á meðan forsvarsmenn NFL-deildarinnar reyna að komast til botns í miklu eineltismáli hefur komið í ljós að ungir iðkendur íþróttarinnar eru komnir mörgum skrefum lengra.

Olivet Eagles hjá samnefndum gagnfræðiskóla í bænum Olivet í Michigan lögðu á ráðin í margar vikur. Án vitneskju þjálfara síns plönuðu þeir einstaka stund fyrir einstakan dreng.

Segja má að framtak drengjanna hafi gert mun meira en að gefa einum dreng fallega stund. Framtakið hafði áhrif á drengina sjálfa og samfélagið.

„Ég fór úr því að vera einhver sem hugsaði bara um sjálfan mig og vini mína yfir í að vilja láta öllum líða betur á hverjum degi,“ sagði einn drengjanna.

Sjón er sögu ríkari en söguna má sjá í spilaranum hér að ofan.