Byrjað fyrr í London

Alls fara þrír leikir í NFL-deildinni fram í London á næsta tímabili og mun einn þeirra byrja fyrr en áður hefur þekkst.

Undanfarin ár hafa leikirnir í London byrjað klukkan 18 á sunnudögum í samræmi við hefðbundinn leiktíma á öðrum sunnudagsleikjum í Bandaríkjunum.

Nú hefur hins vegar verið ákveðið að leikur Atlanta Falcons og Detroit Lions þann 26. október næstkomandi byrji klukkan 13.30 að staðartíma.

Ástæðan fyrir þessu er að gefa áhorfendum víða um heim auðveldara að horfa á leikinn en hingað til hafa NFL-leikir aldrei farið fram að morgni til á bandarískum tíma.

Aðrir leikir í London hefjast klukkan 18.00 eins og áður en það eru viðureignir Miami Dolphins og Oakland Raiders þann 28. september annars vegar og Dallas Cowboys og Jacksonville Jaguars þann 9. nóvember hins vegar.