Sannleikurinn: Elsta systkinið mest óþolandi

Börn, sem alin eru upp sem elsta barn í systkinahópi, eru líklegri til þess að verða hégómafullir montrassar en systkini þeirra, segir í norskri rannsókn á áhrifum aldursraðar systkina á hversu óþolandi þau verða.

Elstu börnin komast upp með allskonar þvælu og bull vegna þess að þau yngri líta óverðskuldað upp til þeirra og leyfa ranghugmyndum elsta barnsins um eigið ágæti að lifa. Einnig kemur fram í rannsókninni að elsta barnið, eða barn sem missir elsta systkini sitt og verður elst, er líklegast af systikinahópnum til að falla eftir áfengismeðferð. Tengslin fundust með því að skoða rúmlega 250.000 norska karlmenn. Þetta kemur fram á fréttvef BBC.



Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu sem er elst og óþolandi.