Ilmefnalaust og ofnæmisprófað fyrir börnin

Því fyrr sem börn komast í tæri við ilmefni, þeim mun hættara er þeim við ofnæmi seinna á lífsleiðinni. Fjögur ofnæmistilfelli af hverjum tíu þróast í barnæsku en með því að velja þvottaduft, húðkrem, sápur og annað sem inniheldur ekki ilmefni er hægt að draga verulega úr hættunni á að börn þrói með sér ofnæmi,“ segir Guðrún Húnfjörð, vörumerkjastjóri hjá Nathan & Olsen. Fyrirtækið flytur inn umhverfisvænar og ofnæmisprófaðar vörur frá Neutral sem eru Íslendingum að góðu kunnar. "Við foreldrar viljum auðvitað gera allt til að hugsa vel um börnin okkar og barnalínan frá Neutral fellur vel að því markmiði,“ segir Guðrún. Hún bendir á að barnalínan sé algerlega án ilmefna, litarefna, parabena og annarra óþarfa aukaefna. "Í línunni finnur þú bæði sjampó og baðsápu sem eru þróuð sérstaklega fyrir ungabörn, ásamt barnaolíu sem er hrein jurtaolía og hentar hvort sem er í baðið, í ungbarnanuddið eða í þurran hársvörð ungbarna,“ lýsir Guðrún. Í línunni er húðkrem sem má nota hvar sem er á líkama barnsins en Neutral býður einnig upp á sérstakt bossakrem sem inniheldur sink. "Svo eru það blautþurrkurnar sem henta vel í bleiuskiptin sem og til að þurrka litla putta og lítil andlit þegar vatn og þvottapoki eru ekki við höndina.“ Guðrún segir ekki síður nauðsynlegt að hugsa út í hvaða þvottaefni er notað til að þvo föt barna. "Fötin liggja á húð barnsins allan daginn og því er mikilvægt að þvottaefnið og mýkingarefnið séu vel valin. Neutral þvotta- og mýkingarefni eru mild og örugg fyrir viðkvæma húð barna,“ bendir Guðrún á. Til að lengja líftíma barnafatanna, sem gjarnan þarf að þvo oft og mikið, er hægt að velja mismunandi gerðir af þvottaefni. Í Neutral-merkinu er hægt að fá þvottaefni sérstaklega fyrir hvítan, svartan eða mislitan þvott. Neutral-vörurnar eru þróaðar í samstarfi við dönsku Astma- og ofnæmissamtökin og Astma- og ofnæmisfélag Íslands mælir með Neutral-vörunum. Allar barnavörur Neutral eru Svansmerktar sem er trygging fyrir því að gæði þeirra og virkni er jafn góð eða betri en í sambærilegum vörum. "Þú þarft því ekki að þekkja öll innihaldsefnin og hafa áhyggjur af því að barnið þitt komist í snertingu við skaðleg efni, það er búið að kanna það fyrir þig,“ segir Guðrún. Á heimasíðunni Neutral.is er að finna ítarlegar upplýsingar um vörurnar ásamt góðum ráðum um hvernig hægt sé að fyrirbyggja ofnæmi hjá börnum.