Mumford tekur upp með Timberlake

Marcus Mumford, höfuðpaur Mumford and Sons, og Justin Timberlake hafa verið að taka upp tónlist saman fyrir nýjustu kvikmynd Coen-bræðra. Myndin, sem heitir Inside Llewyn Davis, skartar Carey Mulligan, eiginkonu Mumfords, í einu aðalhlutverkanna og fjallar um tónlistarmann sem reynir að öðlast frægð og frama í New York á sjöunda áratugnum.



Í viðtali við MTV sagðist Timberlake hafa notið samstarfsins. „Þetta verður ekki bara góð mynd heldur verður tónlistin í henni frábær,“ sagði söngvarinn.