Ísland í neðsta riðlinum á EM

Íslenska kvennalandsliðinu í golfi hefur ekki gengið sem skyldi á Evrópumóti landsliða sem fram fer í York á Englandi.

Íslenska liðið er samanlagt á 59 höggum yfir pari eftir tvo fyrstu hringi mótsins. Alls taka 19 þjóðir þátt á mótinu en eftir fyrstu tvo keppnisdagana verður þjóðunum skipt upp í þrjá riðla eftir frammistöðu. Ísland mun því fara í C-riðil eða þann neðsta.

Guðrún Brá Björgvinsdóttir, GK, lék ágætlega fyrir íslenska landsliðið í gær en hún fór hringinn á 76 höggum. Árangur íslensku kylfinganna má sjá að neðan.

50. sæti Guðrún Brá Björgvinsdóttir, GK          76-76 = 152 högg

54. sæti Ragnhildur Kristinsdóttir, GR              76/77 = 153 högg

85. sæti Sunna Víðisdóttir, GR                         78/79 = 157 högg

90. sæti Signý Arnórsdóttir, GK                       76/83 = 159 högg

98. sæti Ólafía Þórunn Kristinsdóttir, GR          77/83 = 160 högg

104. sæti Anna Sólveig Snorradóttir, GK          83/81 = 164 högg

Átta efstu þjóðirnar fara í A-riðil, næstu átta þjóðir í B-riðil og loks þær þjóðir sem hafna í 17. sæti eða neðar sem fara í C-riðil. Íslenska landsliðið mun leika í C-riðli eftir nokkuð dapra frammistöðu á mótinu hingað til.