Efri Haukadalsá í útboð

Veiðisvæðið við Efri Haukadalsá er komið aftur í útboð en svo virðist sem ekki hafi tekist að loka samningum við hæstbjóðanda í útboðinu í haust.

Frá þessu er greint á vef Landsambands Veiðifélaga, www.angling.is, og jafnframt tekið fram að skilafrestur tilboða er til 28. mars.  Um er að ræða svæðið ofan við Haukadalsvatn og þí fylgir gott veiðihús.  Veiðin er ágæt á þessu tveggja stanga svæði, nokkuð drjúgt veiðist gjarnan á hverju ári af sjóbleikju við ósinn á vatninu og svo er laxavon ofan vatns ágæt.  Svæðið var eitt sinn hjá SVFR og var á þeim tíma vinsælt enda voru leyfin ekki dýr og stutt að fara frá Reykjavík.  Það má klárlega reikna með því að stóru aðilarnir taki þátt í útboðinu þar sem eftirspurn eftir 2-3 stanga ám með veiðihúsi þar sem menn sjá um sig sjálfir hefur sjaldan verið meira.