Ótrúleg björgun hjá Watson | Myndband

Tom Watson sýndi ótrúleg tilþrif á Toshiba Classic mótinu sem fram fór um helgina á Champions-öldungamótaröðinni í Kaliforníu. Watson lenti í vandræðum á 8. holu á fyrsta hring í mótinu þegar bolti hans var skammt frá tré við áttunda flötina.

Watson, sem sigraði á átta risamótum á frábærum ferli sínum, bjargaði pari með ótrúlegum hætti. Hann sló með annarri hendi aftur fyrir sig og endaði boltinn um feti frá holu. Magnað högg hjá þessum 64 ára kylfingi frá Bandaríkjunum sem mun stýra liði Bandaríkjanna í Ryder-bikarnum á Gleneagles vellinum í Skotlandi í haust.

Höggið frábæra má sjá í myndbandinu hér að neðan ásamt bestu höggum helgarinnar á PGA-mótaröðinni.