Portúgalir snúa aftur í Eurovision

Söngkonan Suzy sigraði í Festival Da Canção í Portúgal í gær og verður fulltrúi þjóðarinnar í Eurovision-keppninni í Kaupmannahöfn í maí með lagið Quero Ser Tua.

Texta og tónlist samdi Emanuel en hann samdi einnig lagið Dança Comigo sem Sabrina flutti í keppninni árið 2007.

Portúgalir tóku ekki þátt í Eurovision í fyrra en í ár eru fimmtíu ár síðan landið tók fyrst þátt, einmitt á sviði í Kaupmannahöfn. Þá vann Ítalía í fyrsta sinn með lagið Non ho l‘etá sem Gigliola Cinquetti söng en við Íslendingar þekkjum það vel sem Heyr mína bæn sem Ellý Vilhjálms gerði frægt.