Lagði skóna á hilluna þar sem heimsendir er nærri

Ruðningskappinn Adam Muema, sem hætti að æfa fyrir NFL-deildina þar sem Guð sagði honum að gera það, er enn í fréttunum og ljóst að ruðningsferli hans er lokið.

Ekki bara af því ekkert lið mun velja hann í nýliðavalinu heldur af því hann er sjálfur hættur í boltanum. Ástæðan? Heimsendir er í nánd og því engin ástæða til að vera í boltanum.

"Ég mun ekki spila meiri fótbolta og ég trúi því að það verði ekkert tímabil næsta vetur. Ekki nema við séum öll á leiðinni á nýja jörð," skrifaði Muema á Twitter.

Áður en hann fór að taka við skilaboðum frá Guði var talið öruggt að hann yrði valinn í nýliðavali NFL-deildarinnar sem fram fer í maí.