Leyndarmál og lygar í Breaking Bad

Breaking Bad-stjarnan Bryan Cranston er með endurminningar í bígerð og verður bókin gefin út haustið 2015. 

Í fréttatilkynningu segist leikarinn ætla að segja sögur úr lífi sínu og ljóstra upp leyndarmálum og segja frá lygum sem hann lifði með í sex ár á meðan hann lék í sjónvarpsþáttunum Breaking Bad.

Bryan fékk ýmis smáhlutverk áður en hann varð frægur sem faðirinn Hal í kringum aldamótin í gamanþættinum Malcolm in the Middle. Árið 2008 fékk hann hlutverk Walter White í Breaking Bad og vann fjögur Emmy-verðlaun og ein Golden Globe-verðlaun fyrir frammistöðu sína.