Stóru bleikjurnar farnar að sýna sig í Þingvallavatni

Það er skammt stórra högga á milli því fréttin um stórurriðann var varla kominn inn þegar við förum að fá fréttir af stóru bleikjunum í Þingvallavatni.

Miðað við gang mála upp við vatnið er veiðin greinilega góð því mikið veiðist af urriða og fréttir af stóru bleikjunum kærkomnar.  Magnús Þór Ágústsson var upp við vatnið í Þjóðgarðinum og náði flottri bleikju á land sem tók Peacock og missti aðra ekki minni.  Við höfum frétt af nokkrum svona í vor og þetta er nokkuð óvenjulegt að heyra margar fréttir af stórum bleikjum svona snemma á tímabilinu en þessar bleikjur sem eru að veiðast eru feitar og vel haldnar.  Það skemmir heldur ekki fyrir að betri matfisk er erfitt að finna en feita vorbleikju.  Sendið okkur veiðifréttina ykkar á kalli@365.is með mynd og smá frásögn af baráttunni.