Líklega stærsti urriðinn úr Þingvallavatni í sumar

Það eru sífellt fleiri fréttir að berast af flottum urriðum sem koma á agn veiðimanna við Þingvallavatn og greinilegt á netumræðunni að menn eru farnir að fara mjög varlega með fiskinn til að hann lifi átökin af.

Það er líklega fátt ein gaman og að setja í tröllvaxinn Þingvallaurriða og það fékk Emil Gústafsson að reyna þegar þegar hann tók fisk sem er líklega um eða yfir 25 pund og tók fluguna Black Ghost mix flugu sem Emil bjó til upp úr upprunalegu flugunni.  Hann stóð einn á sínum veiðistað með stöng fyrir línu #6 sem eru frekar nettar græjur í svona stórfisk og hann var búinn að vera við staðinn í einn og hálfann tíma þegar hann tók.  Fiskurinn sýndi sig aldrei fyrr en hann kom alveg upp að landi.  Emil fékk aðstoð nærstaddra veiðimanna við að landa og passaði sérstaklega uppá að fara varlega með fiskinn.  Hann var aldrei tekinn úr vatninu nema  í örfáar sekúndur til að smella af einnu mynd.  Fiskurinn var mældur 95 sm á lengd og 55 sm í ummál sem segir að hann gæti verið vel yfir 25 pund.  Emil hefur gengið feyknavel við vatnið í sumar og við óskum honum til hamingju með fiskinn og hlökkum til að fá fleiri fréttir af veiðinni hjá honum í sumar.

Við hvetjum ykkur til að senda okkur fréttir og myndir af veiðinni ykkar í sumar því við drögum út glæsilega vinninga í sumar, m.a. vegleg veiðileyfi o.fl. úr öllum innsendum fréttum.  Sendir póstinn á kalli@365.is