Psy snýr aftur

Suður-kóreski tónlistarmaðurinn Psy, sem er hvað þekktastur fyrir ofurslagarann Gangnam Style, og rapparinn Snoop Dogg eru búnir að gefa út dúettinn Hangover.

Myndbandið við lagið hefur verið skoðað rúmlega fimm milljón sinnum en í myndbandinu sést Psy meðal annars æla og bursta tennurnar.

Aðeins er rúmlega vika síðan myndbandið við lagið Gangnam Style náði þeim áfanga að vera það myndband sem langsamlega oftast hefur verið horft á á vefsíðunni YouTube en áhorfin eru komin yfir tvo milljarða.