Sjálfstæðisflokkurinn og Björt framtíð mynda nýjan meirihluta í Hafnafirði

Bæjarfulltrúar Sjálfstæðisflokks og Bjartrar framtíðar í Hafnarfirði hafa náð samkomulagi um meirihlutamyndun og verkaskiptingu í nýrri bæjarstjórn en þetta kemur fram í fréttatilkynningu frá Hafnafjarðarbæ.

Starf bæjarstjóra verður auglýst laust til umsóknar. Guðlaug Kristjánsdóttir verður forseti bæjarstjórnar og Rósa Guðbjartsdóttir formaður bæjarráðs.

Málefnasamningur flokkanna mun vera í burðarliðnum og stefnt er að því að niðurstaða liggi fyrir strax eftir helgi.

Fram kemur í tilkynningunni að rík áhersla verði lögð á jafna verkaskiptingu og virkt samstarf allrar bæjarstjórnar.