SKODA-dagurinn á morgun

Laugardaginn 14. júní heldur Hekla SKODA-daginn hátíðlegan frá klukkan 12 til 16. Þar verður boðið uppá reynsluakstur á SKODA bílum en sérstök áhersla er lögð á Yeti Outdoor sem er nýkominn úr smá upplyftingu. Yeti frá SKODA er meðal annars útbúinn Bluetooth kerfi, Isofix festingum, Cruise control og ýmsu öðru góðgæti.

Slagorð SKODA er „simply clever“ en hönnuðir SKODA hugsa út í allskyns smáatriði við hönnun bílanna svo þeir henti enn betur við daglegar athafnir. Atriði eins og krókar í skottinu fyrir matvörupokana, hólf fyrir sólgleraugun, lítil geymsluhólf í farþegarými og ýmis fleiri notadrjúgar lausnir einkenna bíla SKODA.

Á SKODA-deginum verða grillaðar pylsur, gos til að skola þeim niður og fantafínar SKODA-blöðrur fyrir krakkana. SKODA-bifreiðar eru þekktar fyrir sparneytni og lága bilanatíðni. Það þekkja hinir fjöldmörgu SKODA-eigendur á Íslandi best. Hekla er til húsa að Laugavegi 170-174 og það verður opið frá kl. 12-16 á morgun.