12 laxar á fyrstu vakt í Miðfjarðará

Miðfjarðará opnaði í gær með fínni veiði en 12 laxar komu upp á fyrstu vaktinni á sex stangir sem er mjög gott á fyrsta degi.

Nokkuð sást af laxi í ánni og svo til allt fallegur 2 ára lax.  Miðað við byrjunina á Norðurlandi eru sérfræðingar landsins farnir að spá aðeins í spilin og menn telja að sumarið verði gott fyrir norðan en fyrir utan þessa góðu opnun í Miðfirðinum er Vatnsdalsá búin að vera opin í nokkra daga og þar hefur gangurinn verið mjög góður og aðstæður alveg ágætar.  Blanda er komin yfir 100 laxa og þar er góður stígandi í veiðinni og ennþá hefur bara verið veitt á 4 stangir en hin þrjú veiðisvæðin opna næstu daga.