Korpa sjaldan litið betur út til veiða

Eins lítil og nett sem Korpan er virðist hún alltaf halda sínum hlut í veiðinni og það er engin undantekning á þar í sumar.

Áin er komin í 50 laxa á sínar tvær stangir sem er fín veiði og besta tímabilið samt eftir.  Það er ekki oft sem áin er í gullvatni í júlí en núna í þessum rigningarham sem veðrið er búið að vera í er nóg vatn í ánni og gott magn af laxi að ganga í hana á hverju flóði.  Korpa er mjög vinsæl sem sést best á aðsókn í hana en hún er sem stendur uppseld í júlí en einhverjar stangir eru eftir í ágúst og þær má nálgast hjá leigutakanum www.hreggnasa.is

Góður gangur í líka í systuránni Elliðaá en það styttist í að hún nái 200 löxum enda veiðin þar búin að vera nokkuð jöfn og þar er fiskur að ganga inn á hverju flóði.  Eitthvað hefur borið á örlöxum í henni og hafa margir veiðimenn hreinlega brugðið á það ráð að sleppa þeim löxum ef þær rata á flugurnar og vonast til að ná einhverjum aðeins stærri í næsta kasti og sem betur fer er það yfirleitt raunin.