Skemmtileg vefsíða um tölfræði í laxveiði

Tölfræði í laxveiði hefur verið mörgum veiðimanninum hugarefni og það er endalaust hægt að spá og spekúlera um samanburð á veiði milli ára og áa.

Sigurbjörn M Gunnlaugsson er umsjónarmaður nýrrar vefsíðu, www.laxar.net, þar sem hægt er að skoða hina ýmsu kima tölfræði um laxveiðiár og nú þegar hafa margir veiðimenn lagst yfir síðuna og borið saman veiðiár í uppáhaldsánum sínum milli ára og eins gert samanburð á ánni miðað við aðrar ár á svæðinu.  Á síðunni er hægt að gera samanburð á ársveiði, veiðiá dag, veiði eftir dögum, frávik á meðalveiði og samanburð milli landshluta.  Við óskum Sigurbirni til hamingju með síðuna.