Sleiktu símann þinn

Það hefur mikið verið skrifað og skeggrætt um kúnstina að veita kynlífsfélaganum munnlegan unað. 

 

Eins og með allt á okkar ágætum tímum þá hefur þessari tækni verið troðið í smáforrit (app), Lick it,  sem þú getur hlaðið niður á snjallsímann þinn eða annan snertiskjá og æft þig. Forritið miðar að því að þú ætlir að veita kvenmanni unað þó vissulega væri hægt að beita þessari tækni á bólfélaga óháð kyni viðkomandi.

 

Forritið verkar þannig að þú ferð í gegnum nokkrar æfingar og átt að reyna að sleikja upp og niður, í hringi og svo víðsvegar um. Þá er mælt með því að setja plastfilmu (eða bara smella smokk) fyrst yfir símann. Því þar eru augljóslega fleiri þúsunda baktería.

 

Eins og með allt í kynlífi þá er ekki ein rétt leið til að gera hlutina heldur verkar alltaf best að spyrja bara bólfélgann hvað þeim þykir gott og spyrja hvort þeim þyki gott það sem þú ert að gera.

 

En ef þér leiðist eða ert óviss um hvað munnmök fela í sér, þá getur alltaf sleikt símann þinn.