Kristján Þór og Valdís Þóra með forystu

Kristján Þór Einarsson úr Golfklúbbnum Kili er efstur í karlaflokki á sjötta stigamóti Eimskipsmótaraðarinnar. Mótið fer fram á Akranesi.

Kristján Þór spilaði á 74 höggum í dag, en hann spilaði á 69 höggum í gær, en hann er samtals á einu höggi undir pari.

Næstur kemur Guðmundur Ágúst Kristjánsson sem hefur spilað á 73 höggum báða dagana og er á tveimur höggum yfir pari. Arnór Ingi Finnbjörnsson er svo í þriðja sæti fjórum höggum yfir pari.

Í kvennaflokki leiðir Valdís Þóra Jónsdóttir örugglega, en hún er með níu högga forystu. Valdís Þóra lék á 74 höggum í dag, en hún er einu höggi yfir pari. Næst koma þær Karen Guðnadóttir og Ólafía Þórunn Kristinsdóttir sem eru báðar tíu höggum yfir pari.

Lokahringurinn fer fram á morgun.