Aðvörunarstig fyrir flug lækkað

Veðurstofa Íslands hefur ákveðið að lækka aðvörunarstig fyrir flug í appelsínugulan úr rauðu. Athuganir hafa leitt í ljós að ekki var gos undir Dyngjujökli í gær. Sá mikli lágtíðniórói sem Veðurstofan mælid í gær á sér því aðrar skýringar.

Veðurstofan segir að skjálftavirkni í Barðarbungu og undir Dyngjujökli sé enn mjög mikil. 700 skjálftar hafa mælst frá miðnætti og eru þeir heldur stærri en undanfarna daga. Eins og áður hefur verið greint frá urðu tveir stórir skjálftar yfir 5 á Bárðarbunguöskjunni í nótt.

Virknin undir Dyngjujökli hefur færst til norðurs og er nú mest undir jaðri jökulsins þar sem skjálfti að stærðinni 4,2 mældist í morgun. Gangurinn undir Dyngjujökli er nú talinn vera rúmlega 30 kílómeta langur.

Veðurstofan segir að engar vísbendingar séu um að dragi úr ákafa atburðanna og því ekki hægt að útiloka að atburðarásin leiði til goss.