Lokað fyrir alla umferð inn að gosstöðvunum

Lögreglustjórinn á Húsavík hefur ákveðið að loka fyrir alla frekari umferð inn á svæðið norðan Vatnajökuls. Þetta er gert í ljósi aukins óróa á gosstöðvunum í dag.

Fjölmiðlar og vísindamenn hafa til þessa haft takmarkaðan aðgang að svæðinu að uppfylltum ákveðnum skilyrðum.

„Á meðan þessi óvissa varir er ekki talið rétt að hleypa fleirum inn á svæðið. Jafnframt hefur verið sett upp innri lokun á veg F910 við Vaðöldu,“ segir í tilkynningu frá almannavarnadeild ríkislögreglustjóra.

Ákvörðunin verður endurskoðuð um leið og nýjar upplýsingar berast.