Stelpurnar í öðru sæti eftir forkeppnina | Sjáðu myndirnar

Tvöfaldir Evrópumeistarar Íslands í hópfimleikum höfnuðu í öðru sæti í forkeppninni í sérútbúnu fimleikahöllinni í Laugardalnum í kvöld.

Íslensku stelpurnar fóru á kostum í gólfæfingum, en þær fengu hæstu einkunn upp á 22,100. Þær bættu svo við 16,400 stigum fyrir æfingar á dýnu og 17,950 fyrir stökk; heildareinkunn upp á 56,733.

Sænska liðið, sem lítur mjög vel út eins og okkar stelpur, er í efsta sæti með 56,733 stig og Danir eru í þriðja sæti. Finnar höfnuðu í fjórða sæti og komust í úrslit ásamt Norðmönnum og Bretum.

Hér að neðan má sjá glæsilega myndaveislu frá töktum íslenskum stelpnanna í kvöld, en það var Valgarður Gíslason, ljósmyndari Fréttablaðsins og Vísis, sem var í Laugardalnum í kvöld.

Hér má finna allt um mótið.