Óhætt er að segja að betur fari um Hafþór í sætinu en klósettinu.
Hafþór Júlíus Björnsson, næststerkasti maður heims, virðist hafa það gott við tökur á sjónvarpsþáttunum Game of Thrones ef marka má mynd sem hann birtir af sjálfum sér á Facebook.
Þar situr Hafþór í járnhásætinu (e. The Iron Throne) sem konungbornir menn sitja jafnan í í þáttunum. Fjölmargir skrifa við myndina að Hafþór taki sig vel út í sætinu. Það fer í það minnsta umtalsvert betur um okkar mann í hásætinu en á klósettinu í flugvél Icelandair á dögunum.
Framleiðendur Game of thrones þáttanna þurftu að greiða 50 þúsund dali á dag, í fjóra daga, vegna upptöku á nektaratriði leikkonunnar Lena Heady sem leikur Cersei Baratheon.
