Bílar

Ford F-150 úr áli eyðir 12,7 lítrum

Finnur Thorlacius skrifar
Ford F-150, nú að mestu smíðaður úr áli.
Ford F-150, nú að mestu smíðaður úr áli.
Ford hefur ekki enn gefið upp formlegar eyðslutölur hins nýja Ford F-150 pallbíls sem smíðaður er nú að stærstum hluta úr áli. Bílatímaritið Motor Trend hefur hinsvegar gert eigin eyðslukönnun á bílnum.

Til þess völdu þeir þá útgáfu bílsins sem er með minnstu vélina, 2,7 lítra V6 EcoBoost vél með tveimur forþjöppum sem skilar 325 hestöflum. Mælingar Motor Trend leiddu í ljós meðaleyðslu uppá 12,7 lítra á hverja hundrað kílómetra, en í langkeyrslu eyddi bíllinn 10,9 lítrum og 14,1 lítra í borgarumferð.

Þetta eru ágætar tölur fyrir stóran pallbíl með nokkuð öfluga bensínvél. Til samanburðar prófaði Motor Trend einnig eyðslu Chevrolet Silverado pallbíls með 355 hestafla V8 bensínvél og mældist meðaleyðsla hans 15,5 lítrar, 12,4 lítrar í langkeyrslu og 18,1 í borgarakstri.

Meðaleyðsla Ford F-150 pallbílsins er því 18% minni en hjá Silverado pallbílnum, 12% minni í langkeyrslu og 22% í borgarakstri. Það eru þó færri hestöfl til staðar í Ford F-150 bílnum, en þetta mikill munur í eyðslu gæti réttlætt þann mun fyrir mörgum.

Mest lesið




×

Mest lesið