Helga Margrét Vilhjálmsdóttir og Einar Kristinn Kristinsson náðu flottum árangri á svigmóti í Bydalsfjaellen í Svíþjóð en þau náðu bæði sjötta sæti á mótinu.
Helga Margrét náði þarna sínum besta árangri það sem af er vetrar en Helga María varð í 6. sæti og aðeins 1,53 sekúndum frá sigurvegara mótsins sem var heimasætan Lisa Hiltula. Helga Margrét fékk fyrir þetta 41,23 FIS-punkta.
Stöllurnar Erla Ásgeirsdóttir og Freydís Halla Einarsdóttir urðu síðan í 21. og 22. sæti, rúmum fjórum sekúndum á eftir sigurvegaranum.
Hjá körlunum stóð Einar Kristinn sig með prýði og endaði í 6. sæti, aðeins 1,40 sekúndum á eftir sigurvegaranum sem var heimamaðurinn Isak Klein.
Einar skíðaði vel í báðum ferðum í dag, sérstaklega síðari ferðinni. Magnús Finnsson náði ekki að klára fyrstu ferð.
Annað svigmót er á dagskrá á sama stað á morgun. Það er jafnframt síðasta mótið sem landsliðið tekur þátt í á þessu ári en þau eru á leiðinni heim í jólafrí.
Helga Margrét náði sínum besta árangri í vetur
Óskar Ófeigur Jónsson skrifar

Mest lesið


„Komum Gylfa Þór meira í boltann“
Fótbolti



Mac Allister: Liverpool er bara rétt að byrja
Enski boltinn



„Þetta er eins og eldgamla tómatsósan“
Íslenski boltinn

