Minningarrit Villa á Brekku

Vilhjálmur á Brekku hafði lengi fyrirhugað að Örnefni í Mjóafirði yrði hans síðasta bók og hún kæmi út 20. september 2014, annaðhvort sem afmælisrit eða minningarrit.

Því miður fór það svo að hið síðarnefnda varð niðurstaðan. Hann lést 14. júlí síðastliðinn, eða rúmlega tveimur mánuðum fyrir aldarafmæli sitt. Þá hafði hann nýlokið við að fara yfir síðustu próförk af bókinni og því gat hann farið nokkuð nærri um endanlega útkomu.

Meginefni bókarinnar er vönduð örnefnaskrá heimabyggðar Vilhjálms, einnig þjóðsögur, frásagnir af ýmsu tagi og fróðleikur sem tengist örnefnunum, auk fjölda mynda.



Bókaútgáfan Hólar gefur bókina út.