Kraumslistinn fyrir 2014 tilkynntur

Kraumsverðlaunin, plötuverðlaun Kraums tónlistarsjóðs, verða afhent í sjöunda sinn í ár. Þess vegna hefur Kraumur birt 20 platna úrvalslista verðlaunanna, svokallaðan Kraumslista, yfir þau verk sem þykja hafa skarað fram úr í íslenskri tónlist á árinu. Síðar í mánuðinum verða verðlaunin sjálf svo afhent.

Kraumslistinn er valinn af tíu manna dómnefnd sem skipuð er fólki sem hefur margvíslega reynslu af því að hlusta á, vinna með og fjalla um íslenska tónlist.

Formaður dómnefndar er Árni Matthíasson en auk hans skipa ráðið Benedikt Reynisson, Elísabet Indra Ragnarsdóttir, María Lilja Þrastardóttir, Ólafur Halldór Ólafsson, Ragnheiður Eiríksdóttir, Trausti Júlíusson, Valdís Thor og Þórunn Edda Magnúsdóttir.

Plötur eftir eftirfarandi tónlistarmenn eru tilnefndar; AdHd

Önnu Þorvaldsdóttur, Ben Frost, Börn, Grísalappalísu, Heklu Magnúsdóttur, Kippa Kaninus, Low Roar, M-Band,Oyama, Óbó, Ólöfu Arnalds, Pink Street Boys, Russian Girls, Sindra Eldon, Singapore Sling, Skakkamanage, Skúla Sverris, Anthony Burr & Yungchen Lhamo, Úlf Kolka og Þóri Georg.