Heilsa

Hefur þú eitthvað að fela?

Ragnheiður Guðmundsdóttir skrifar
visir/getty
Til eru margar tegundir hyljara og úrvalið er endalaust. Eins og nafnið gefur til kynna eru hyljarar til þess fallnir að hylja dökka tóna á húð, bólur, ör og aðrar misfellur á húðinni. Mikilvægt er að velja hyljara sem hentar því sem hann er ætlaður í og fellur vel að húðlit.

Hér koma nokkur góð ráð þegar kemur að notkun hyljara:

Það er eins með hyljara og annan farða að það er mikilvægt að næra húðina áður en hann er settur á. Gott rakakrem sem hentar þinni húðgerð er algjörlega nauðsynlegt sem fyrsta skref fyrir fallegt og frísklegt útlit.

Til þess að fela bauga undir augum er gott að nota ferskju- eða rauðtónahyljara til þess að vega á móti blámanum undir augunum. Hyljari sem þú notar til að hylja bauga þarf að vera þunnur og rakagefandi, ef hann er of þurr getur hann ýkt eða myndað hrukkur undir augum.

Til þess að fela mikinn roða eftir sólbruna er gott að byrja á að bera á sig rakagefandi krem. Bera svo hyljara án ilmefna á húðina varlega með mjög mjúkum bursta.

Á bólur er gott að nota örlítið þykkari og þurrari hyljara sem haldast vel á húðinni yfir daginn. Til þess að fela bólurnar og annan roða á húð virkar vel að nota græn- og gultónahyljara til þess að vinna á móti roðanum og setja svo farða sem passar húðlitnum yfir.

Til þess að fá frísklegra útlit án mikillar fyrirhafnar og án þess að bera farða á allt andlitið er hægt að bera þunnan hyljara á augnlok og undir augu og fela þannig æðabláma og roða.

Heilsa


Mest lesið




×

Mest lesið


Tarot dagsins

Dragðu spil og sjáðu hvaða spádóm það geymir.